ҚТЖ қолайсыз ауа райы кезінде өңіраралық қатынасты қамтамасыз етті

Қолайсыз ауа райына және тас жолдардағы уақытша шектеулерге байланысты Ұлттық тасымалдаушы өңірлер арасындағы көлік қатынасының үздіксіздігін қамтамасыз ету мақсатында бірқатар жолаушылар пойыздарын тағайындады.

Атап айтқанда, №613 «Маңғыстау — Орал», №692 «Ақтөбе — Атырау», №110 «Ақтөбе — Маңғыстау» және №691 «Атырау — Ақтөбе» бағыттары бойынша қосымша тасымал ұйымдастырылды.

2026 жылғы 10 ақпанда Ақтөбе облысында пойыздар арқылы шамамен 400 жолаушы жеткізілді. Жолаушыларға қосымша тегін орындар ұсынылды.

ҚТЖ қолайсыз метеорологиялық жағдайларда халықтың көлікке қолжетімділігін қамтамасыз ету шараларын жүйелі түрде жүзеге асырып келеді. Қыс мезгілі басталғалы бері теміржол көлігі арқылы еліміздің түрлі өңірлеріне 1 000-нан астам жолаушы жеткізілді.

Күрделі ауа райы жағдайында теміржол көлігі ең қауіпсіз әрі сенімді қатынас түрлерінің бірі болып қала береді.

Еще больше новостей на нашем telegram-канале , подписывайся и будь в курсе!