ҚТЖ қызметкерлері 5 миллионыншы жолаушыға сыйлық тарту етті

Жыл басынан бері «Жолаушылар тасымалы» АҚ пойыздарымен сапарлаған бес миллионыншы жолаушы анықталды. Ұлттық тасымалдаушы қызметкерлері ерекше жолаушыны «Астана-1» теміржол вокзалында қарсы алып, сыйлықтар тарту етті.

Сәтті билет иегері – небәрі 8 жастағы Мөлдір Сұлтан есімді жолаушы. Ол анасымен бірге Алматыдан Астанаға №9/10 бағытындағы жолаушылар пойызымен сапар шеккен. Айрықша оқиғаға орай ұйымдастырылған шара барысында Мөлдірге Ұлттық тасымалдаушы атынан естелік сыйлықтар табысталды. Кішкентай жолаушыға ойыншық, планшет және сымсыз құлаққап сыйға берілді. Сыйлықтарды «Жолаушылар тасымалы» АҚ «Экспресс» филиалының директоры Замира Абжаппарова салтанатты түрде табыс етті.

«Жолаушылар тасымалы» АҚ миллионыншы жолаушыны ерекше ілтипатпен қарсы алуды дәстүрге айналдырған. Бұл – теміржол көлігін таңдаған жолаушыларға деген алғыстың және жоғары сапалы қызмет көрсетуге деген ұмтылыстың жарқын көрінісі.