Локомотившілер жарты миллион теңгедей жинап берді

Депо қызметкерлері көпбалалы әріптестеріне көмек көрсетуді шешіпті. Оларға аса қажетті мектеп құралдарына, киім мен азық-түлікке және балалар үшін ақшалай жәрдем жасалды.

"Көпбалалы отбасыларды осылайша қолдауға біздің барлық қызметкеріміз қуана келісті. Мүмкіндік болса, мұндай игі істен қалыс қалмау керек деп санаймыз", - дейді Астана локомотив пайдалану депосы бастығының орынбасары Александр Недюжин.

Жалпы қақаған қыс қарсаңында жеке үйлерде тұрып жатқан мұқтаж жандарға теміржолшылар тарапынан көмір жеткізіп беру ұйымдастырылған. Ұжымдық келісімшарт аясында Балаларды қорғау күніне, Отбасы мен Білім күндеріне орай көпбалалы және толық емес отбасыларға төлемдер жүзеге асырылуда екен. Бұл дегеніңіз, теміржолшы қауым бірреттік акциямен шектеліп қалмақ емес.