Маңғыстау кәсіпкерлері KTZ Express қызметімен танысты

30-дан астам компанияның өкілдері қатысқан іс-шарада KTZ Express Батыс филиалының жетекшісі Ерлан Тулендиев қатысушыларға компанияның Қазақстан арқылы өтетін маршруттарында жасалған қолайлы шарттары, жайлы тариф саясаты, жылдамдық параметрлеріне сәйкестігі, жүктердің қауіпсіздігі туралы әңгімеледі.

Компанияда клиенттерге ыңғайлы болуы үшін +7 7172 611 500 нөмірі бойынша ақысыз консалтингтік қызмет жолға қойылған.

Сондай-ақ, іс-шара барысында қатысушыларға Қазақстанның теңіз порттарының мүмкіндіктері мен Транскаспий бағыты бойынша жүктерді тасымалдау шарттары ұсынылды. Порт өкілдері қатысушыларды елдің теңіз қақпасының инфрақұрылымы заманауи талаптарға толық жауап беретіндігіне және салқындатылған контейнерлерде тасымалданатын температураға сезімтал жүктерді қоса алғанда, барлық жүк түрлерімен жұмыс істеуге дайын екендігіне сендірді.