Маңғыстау мұнайшыларына – жаңа автобустар

«ҚазМұнайГаз» мұнайшыларды кен орындарға тасымалдауға арналған 43 орындық Hyundai Universe Luxury төрт автобусын сатып алды. Олар «Ойл Tранспорт Kорпорейшэн» ЖШС балансына берілді.
Hyundai Universe маркалы автобустары қауіпсіздікке, жолаушылардың амандығы мен тасымалдау жайлылығына қойылатын жоғары талаптарға сай келеді. Сонымен қатар, ОТК автопаркі біріздендіріліп, техникалық ұстап-күту шығындары қысқарады. Бұдан бөлек, автобустардың вахталық әдіспен еңбек ететін мұнайшылардың жеке заттарын тасымалдауға арналған үлкен жүк бөлімі, сыйымдығы үлкен отын багы бар.
Жалпы, «Ойл Tранспорт Kорпорейшэн» ЖШС паркінде тасымалдау бойынша түрлі міндеттерді атқаруға арналған 111 автобус бар. Енді көлік қатары жаңа автобустармен толығып, тасымал қызметінің сапасы артатын болады.