Главная Новости Марапат иелері: «Бұл – ембілік геологтардың ортақ жетістігі»
Компания тынысы08 маусым 2021, 14:00 383

Марапат иелері: «Бұл – ембілік геологтардың ортақ жетістігі»

Марапат иелері: «Бұл – ембілік геологтардың ортақ жетістігі»

Қазақ мұнай ғылыми-зерттеу геологиялық барлау институтында өткен геология саласының дамуына қатысты жиында елімізде геологиялық зерттеуге қосқан жеке үлесі үшін ембілік геологтар ұлықталды, деп хабарлайды SKnews.kz компанияның Facebook парақшасына сілтеме жасап.

«Ембімұнайгаз» АҚ Басқарма төрағасының геология және кен орындарын игеру жөніндегі орынбасары Қайрат Әділбеков «Қазақстанның үздік мұнайшы-геологы» төсбелгісімен, ал, геологиялық барлау жұмыстары қызметінің жетекшісі Ернұр Тасеменов «Жер қойнауын барлаудың үздігі» төсбелгісімен марапатталды.

Шара барысында Қазақстан мұнайшы-геологтар қауымдастығының президенті, геология-минералогия ғылымдарының докторы Балтабек Қуандықов әріптестеріміздің еліміздің геологиялық барлау саласына қосқан үлестерін ерекше атап өтіп, төсбелгілерін тапсырды.

«Бұл төсбелгілер – барлық ембілік геологтарының ортақ жетістігі», – дейді марапат иелері.

Айта кетейік, Ембімұнайгаздың 100 жылға жуық тарихында ембілік геологтар еліміздің геология саласында айшықты қолтаңбаларын қалдырды. Ембінің тұтқырлығы жоғары мұнай кен орындарын игеру үшін Компанияда соңғы жылдары жаңа тәсілдер мен технологиялар енгізіліп, оң нәтижелерін беруде. Сондықтан, әріптестеріміздің кеуделерінде жарқыраған бұл төсбелгілер – барлық ембілік геологтардың ортақ мақсат-мүддесінің жемісі, еңбегінің бағаланғаны болса керек.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: