24 қаңтар 2019, 14:58 1956

Миллион тоннаға жуық астық тасымалданып үлгерді

Әлеуметтік жүктерді, соның ішінде бидай және тартылған астық өнімдерін тасымалдауды қамтамасыз ету «ҚТЖ» ҰК» АҚ жұмысының басым бағыттарының бірі болып саналады. Мәселен, ағымдағы жылы қаңтар айының басынан бері 872,4 мың тонна астық тасымалданса, бұл 2018 жылдың сәйкес кезеңімен салыстырғанда 8,9%-ға артық.

Осы ретте 190 мың тонна тартылған астық өнімдері, соның ішінде экспортқа 134 мың тонна ұн тасымалданған.

«ҚТЖ-Жүк тасымалы» АҚ Басқарма төрағасы Қайрат Сәуірбаевтің атап өткеніндей, жүк жөнелтушілерді вагондармен қамтамасыз ету – ерекше бақылауда, ал әлеуметтік маңызды жүктерді тасымалдау толық көлемде орындалуда.

2018 жылы 11,5 млн тонна астық тиелсе, бұл 2017 жылдың деңгейінен 35%-ға асқан. Оның ішінде экспорт – 8,8 млн тоннаны құраған. Бұл 2017 жыл көрсеткішінен 52%-ға артық. Тартылған астық өнімі 3,5 млн тоннаға тиелсе, бұл 2017 жыл деңгейінен 3% артық деп хабарлайды «ҚТЖ-Жүк тасымалы» АҚ баспасөз қызметі.

Еще больше новостей на нашем telegram-канале , подписывайся и будь в курсе!

К списку статей Следующая статья