Главная Новости ММГ: әлеуметтік салаға 4 млрд теңгеден астам қаржы бағытталуда
18 қараша 2019, 09:28 1630

ММГ: әлеуметтік салаға 4 млрд теңгеден астам қаржы бағытталуда

ММГ: әлеуметтік салаға 4 млрд теңгеден астам қаржы бағытталуда

Бұл туралы "Маңғыстаумұнайгаз" компаниясында Қазақстан кәсіподақтары федерациясы төрағасының қатысуымен өткен кеңесте айтылды. Компанияның бас директорының бірінші орынбасары Қалбай Ізмұхановтың айтуынша, ұжымдық келісімшарт аясында, 2019 жылға арналған әлеуметтік кепілдеме, өтемақы және жеңілдіктер бюджетінде 4 млрд 576 млн 539 мың теңге қарастырылған. 

Ал 9 айдың қорытындысы бойынша оның 3 млрд 530 млн 151 мың теңгесі игерілген. Оның ішінде 4 және одан да көп бала тәрбиелеп отырған Компания қызметкерлеріне 100 айлық есептік көрсеткіш деңгейінде (252 мың теңге) – 189 млн 880 мың теңге, мүгедек бала тәрбиелеп отырған қызметкерлерге 50 АЕК көлемінде 15 млн 529 мың теңге, жаңадан балалы болған қызметкерлерге 50 АЕК көлемінде 33 млн 583 мың теңге, сондай-ақ, Компания қызметкерлерінің мектепке дейінгі мекемелерге төлейтін қаражатының белгілі бір бөлігін өтеу мақсатында 32 млн 978 мың теңге жұмсалған. 

Өз кезегінде "Қазақстан кәсіподақтарының федерациясы" республикалық қоғамдық бірлестігінің төрағасы Ералы Тоғжанов Компания басшылығы тарапынан ұжым арасындағы тұрақтылық пен келісімді сақтауға жасалып жатқан жұмыстар үшін алғысын білдірді. Сонымен қатар, ол, алдағы үш жылға жасалатын жаңа ұжымдық шарттың бұдан да жоғары деңгейде болатынына сенімін жеткізді.

Сондай-ақ, таяуда, "Маңғыстаумұнайгаз" акционерлік қоғамында биыл құрметті еңбек демалысына шығатын бірқатар қызметкерлер ұлықталып, Қазақ мұнайының 120 жылдық төсбелгісімен марапатталды.

Абыроймен қызмет атқарып, бүгінгі күні қызметінің зейнетін көргелі отырғандар қатарында Аманжан Тұрақбаев, Досан Демегенов, Венера Ақжігітова, Наталья Капулер, Меңді Қалжанова, Мария Максимова және тағы басқалар бар. 

Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Астана, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: