Главная Новости Нұр-Сұлтанда ең үздік станция бастықтары жиналды
Озық тәжірибе12 сәуір 16:51 569

Нұр-Сұлтанда ең үздік станция бастықтары жиналды

Нұр-Сұлтанда ең үздік станция бастықтары жиналды

"ҚТЖ» ҰК" АҚ теміржол станциясы басшыларының арасында 2018 жылы өткен салалық байқаудың қорытындысын шығарды. "Темір жол станциясының үздік бастығы" атағына Компанияның 30 қызметкері лайық деп танылды деп хабарлайды ҚТЖ баспасөз қызметі.

Олардың арасында Ақмола жол бөлімшесі Атбасар станциясының бастығы Серік Қайниденов, Қостанай жол бөлімшесі Майлин станциясының бастығы Серік Шүйінов, Балқаш станциясынан Аманжол Омаров, Зыряновск станциясынан Жарас Мұхмедұлы, Семей жол бөлімшесі Шаған станциясының бастығы Айдос Тоқтаров, Қызылорда жол бөлімшесі Белкөл ДС Мақсат Жүсіп және өзгелері бар.

Марапатталғандардың арасында әйелдер – Красноармейка станциясының бастығы Жанна Сүлейменова мен Тишинская станциясының бастығы Олеся Николаева да қуанышқа бөленді. Теміржолдағы нәзік жандар өздерінің міндеттерін мүлтіксіз орындап келеді.

Олеся Николаева лауазымдық сатының барлық деңгейінен өтті. Өзінің шойын жолдағы жұмысын ол Тишинская вокзалында жүктер мен қолжүктерін қабылдап-өткізуші, тауар кассирі және аға тауар кассирі қызметінен бастады. Теміржолда жұмыс істеп келе жатқанына 10 жыл болыпты.

Жанна Сүлейменова өзінің жұмыс жолын станция бойынша кезекшіліктен бастаған. Станцияны төртінші жыл басқарып келеді.

Станция бастығы жылы аясында "ҚТЖ-Жүк тасымалы" АҚ жариялаған салалық байқау 800 астам қатысушы арасында жүргізілді.

"Байқау қауіпсіздік мәдениетін дамыту, еңбек пен технологиялық тәртіпті нығайту, станция басшыларының кәсібилігі мен жауапкершілігін, статусын арттыру мақсатында өткізіліп отыр", - деп атап көрсетті "ҚТЖ-Жүк тасымалы" АҚ бас инженері Иван Костыря.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: