Өмірін өндіріспен өрген

Айтқали Бралиев Маңғыстау мұнай өндірісінің қалыптасуы мен дамуына куә болғандардың бірі. 30 жылға жуық уақыттан бері Қаражанбас кен орнында жұмыс істеп келеді. Бастапқыда автоматтандырылған процестерсіз жұмыс істеген жылдар әлі күнге дейін өндіріс озатының есінде. Десек те, мұнайшылар әрқашан еңбекқорлығымен және өр рухымен ерекшеленетін маман ретінде бағаланады.

«Маңғыстау – бүкіл елге жер асты байлығымен таныс мекен. Туған өлкенің қара алтынын игеруге атсалысу – біздің басты міндетіміз деп білемін. Осы салаға бет бұрғалы, өндіріс өмірімнің бір үлкен бөлшегіне айналғаны үшін қуаныштымын. Маңғыстау мұнайын игеру жолында еңбек етуге әрқашан дайынмын», – дейді Айтқали.

Өндірісте өз орны бар мұнайшы отбасының тірегі, адал жар, бес қыз тәрбиелеп отырған қамқор әке. Әр ісіне асқан жауапкершілікпен қарайтын жұмысшы атқарған адал еңбегі үшін бірқатар марапат алған. Өзінен кейінгі жас толқыннан ағалық ақылын аямай, тәжірибесімен үнемі бөлісетін Айтқали Бралиев тек Қаражанбастың емес, тұтас Маңғыстау мұнай саласындағы үлгі тұтар азаматтардың бірі.