Өнертапқыш теміржолшылар 25 млн теңге үнемдеді

Өнертабыстық іс ережесіне сәйкес, бұл жобалар «Қазақстан Темір Жолы» ұлттық компаниясы мен оның еншілес ұйымдарындағы барлық жол бөлімшелеріне таратылады. Ал жоба авторларына метариалдық сыйақы төленеді.

Жобалардың көбін еңбек ұжымдары ұсынған. Олар еңбек жағдайын, пойыздар қозғалысы қауіпсіздігін жақсартуға, технологиялық процестерді жетілдіруге және құрылғылардың сенімділігін арттыруға бағытталған. Қолдау тапқан жобалар қатарында келесілер бар:

• Қарағанды локомотив пайдалану депосы – қысқы мерзімде тұрбаларды жылыту үшін құрылғы. 
• Алматы локомотив пайдалану депосы – механикаландырылған тәсілмен KZ4Ac, KZ4Aт сериялы электровоздарды құрғақ құммен жабдықтау үшін құрылғы.
• Бурабай-Курорты мен Есіл локомотив пайдалану депосы – ТЭМ-2,ТЭМ-18  сериялы тепловоздар үшін букс торабын ашусыз май құюға арналған құрал.
• Ақмола бөлімшесі – ТЭМ-2, ТЭМ-18 сериялы тепловоздары үшін аккумулятор батареясын зарядтауда жарықтық белгі беру. 

Жалпы, биылғы 9 айда станциялардың, локомотив пен вагон пайдалану деполарының жұмысшыларынан 200 өнертабыстық ұсыныс түскен. Олардың экономикалық тиімділігі – 25 млн теңгеден астам. Ал инновациялық тұжырым авторлары мен бірлескен авторларға 5 миллион теңгеден астам сыйақы төленді.