04 желтоқсан 2019, 08:14 1993

Өзбекстанға 10 мың тонна битум жіберілді

Ағымдағы жылдың қараша айында Қазақстан Өзбекстанға 10 000 тонна битумды экспорт ретінде жөнелтті. Бұл қадамды 50% үлесі "ҚазМұнайГаз" ұлттық компаниясына тиесілі "CASPI BITUM" БК" ЖШС іске асырды.

Еске сала кетейік, жол битумының алғашқы экспорты Өзбекстанға 2017 жылы 650 тонна көлемінде жөнелтілген болатын. Енді ішкі нарықтың сұранысы толығымен өтелгеннен кейін, зауыттан өнімді экспортқа шығару тұрақты негізде жүргізілуде.

Бұрын кәсіпорын қысқы уақытқа жұмысын тоқтатып келген болса, қазір өнімге деген шетелдегі жоғары сұранысқа байланысты зауыт жыл бойына үздіксіз жұмыс істейді. Бұл битумның жоғары қосылған құнын ескергенде, кәсіпорын кірісіне едәуір ықпал етеді.

"CASPI BITUM" БК" ЖШС – жоғары сапалы битум өндіруге бағытталған Қазақстандағы жалғыз мұнай өңдеу зауыты. Кәсіпорын құрылысы 2009 жылы Қазақстан Республикасының үдемелі индустриялық-инновациялық даму мемлекеттік бағдарламасы аясында басталды. Зауыттың жылдық қуаты 1 млн тонна мұнай өңдеуді құрайды. Бұл ретте зауыт 120 мың тонна модификацияланған битум мен 400 мың тонна тотыққан битум шығара алады.

Еще больше новостей на нашем telegram-канале , подписывайся и будь в курсе!

К списку статей Следующая статья