Өзенмұнайсервисте - жаңа басшы

"ӨзенМұнайСервис" жауапкершілігі шектеулі серіктестігіне жаңа басшы тағайындалды. Осылайша Компанияның бас директоры Қанағат Мыңтұрғанов болды.

Қанағат Нұрымұлы бұған дейін "Өзенмұнайгаз" АҚ №1 мұнай-газ өндіру басқармасының бас директоры қызметін атқарған.

Бірден іске кіріскен "ӨзенМұнайСервис" ЖШС жетекшісі өзінің блог-платформасында ұжым мүшелерін тұрақты кері байланыс орнатып, қарым-қатынасты жақсартуға шақырып отыр.

Компания тарихына тоқтала кетсек, 1972 жылы "Мангышлакнефть" бірлестігінің №134 3/УП-72 жылғы бұйрығына және "Узеннефть" мұнай-газ өндіру басқармасының 21 шілде 1972 жылғы №97 бұйрығы негізінде, 1972 жылы 1 шілдеден бастап "Қабаттардың мұнай өнімділігін арттыру және ұңғымаларды күрделі жөндеу" басқармасы іске қосылды. 1998 жылдың 1 тамызынан бастап "Қабаттардың мұнай өнімділігін арттыру және ұңғымаларды күрделі жөндеу" басқармасы "Өзенмұнайгаз" акционерлік қоғамының "Жөндеу" жауапкершілігі шектеулі еншілес серіктестігі болып қайта құрылды. 1997 жылы "Өзенмұнайгаз" бірлестігінің жанынан "КРУЗ" жауапкершілігі шектеулі серіктестігі пайда болды. Мақсаты ұңғымаларды күрделі жөндеу үшін алынған қуатты шетелдік жаңа "КРЕМКО-80 Д" мобильді қондырғыларын іске қосу еді.

Ал 2016 жылдың мамыр айында "ҚазМұнайГаз" БӨ" АҚ директорлар кеңесінің отырысында "Жөндеу" ЖШС мен "КРУЗ" ЖШС біріктіру нәтижесінде "ӨзенМұнайСервис" ЖШС болып қайта жасақталды.

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS