Ресейде пойыздың жоғарғы сөре жолаушыларының купе үстелін пайдалану құқығы заңдастырылмақ

Ресейде жоғарғы сөреден билет алған пойыз жолаушыларының купедегі үстелге жайғасып, тамақтану құқығы 2023 жылдың 1 қыркүйегінен бастап заңдастырылмақ. Ресейдің көлік министрі тиісті бұйрыққа қол қойды. 

Жоғарғы сөре жолаушылары үшін үстелді пайдалану уақытының кестесі белгіленеді. Оған сәйкес, жоғарғы сөре жолаушылары:

• сағат 7.00-10.00 аралығында – жарты сағат;
• түскі 12.00-15.00 аралығында – бір сағат;
• кешкі 19.00-21.00 аралығында жарты сағат үстелде отырып тамақтануға құқылы.

Мұндай өзгеріс жолаушылар тарапынан түскен шағымның көбеюіне байланысты енгізіліп отыр.