Samruk-Kazyna Construction жалдау төлемін кешіктіргені үшін өсімпұл мен айыппұл есептемейді

«Samruk-Kazyna Construction» АҚ жаппай тәртіпсіздік барысында қаза тапқан құқық қорғау органдары мен арнайы қызметтер қызметкерлерінің, бейбіт тұрғындардың туған-туыстары мен жақындарына қайғы-қасіретке ортақтастығын білдіріп, көңіл айтады.

Қазақстан Республикасында төтенше жағдайдың енгізілуіне байланысты Қоғам халықты, бизнесті қолдауға және әлеуметтік шиеленіске жол бермеуге бағытталған шараларды іске асыру туралы шешім қабылдады.

Осы мақсаттар үшін Қоғам жасалған сатып алу құқығымен жалдау шарттары бойынша жалдау төлемдерін уақтылы төлемегені үшін 2022 жылғы 5-31 қаңтар аралығындағы өсімпұл мен айыппұл есептеуді жояды.