Самұрық-Қазына енді мерейтойлық шараларды қаржыландырмайды

Бұл туралы бүгін Алматыдағы М.Горький атындағы орталық мәдени және демалыс саябағында жаңа велотректің ашылуында айтылда. Салтанатты рәсімге "Самұрық-Қазына" ҰӘҚ" АҚ Басқарма төрағасы Ахметжан Есімов пен Алматы қаласының әкімі Бауыржан Байбек қатысты.

Велотректі қайта қалпына келтіруге қаржы бөлген "Самұрық-Қазына" АҚ басшысы Ахметжан Есімов Қордың қайырымдылық саясатының өзгергенін жеткізді.

"Қор спорттың және спорт инфрақұрылымының дамуына ерекше көңіл бөледі. Осыған байланысты веложолдарды қалпына келтіру жұмыстарын қаржыландыру туралы шешім қабылданды. Бұл жас азаматтардың және жас ұрпақтың сүйікті орны болатынына сенімдімін, мұнда болашақ чемпиондардың алғашқы қадамдары жасалады", - деді Ахметжан Есімов.

Ол Қор мерейтойлық іс-шараларды және қоғамдық бірлестіктердің коммуналдық мәселелерін шешуден бас тартқанын мәлімдеді. Жаңа қайырымдылық саясаттың басты бағыты әлеуметтік маңызы бар жобаларды дамыту, балаларды оңалту, білім беруді дамыту және медициналық көмекті кеңейту болып саналады.

Велотректі қайта құру "Самұрық-Қазына" АҚ барлық компаниялар тобының атынан қайырымдылық жобаларын жүзеге асыратын "Samruk-Kazyna Trust" әлеуметтік жобаларды дамыту қорының қолдауымен жүзеге асты.

Қайта қалпына келтірудің арқасында велосипед жолы сан-салалы кейіпке енді. Оның аумағында памп-трек, дерт-парт и скейт-парт сынды спорттық аймақтар пайда болды. Сондай-ақ, көрерменге арналған, сыйымдылығы 200 орындық трубиналар мен айналмалы жарық орнатылған. Бұнда кәсіби спортшылар да, әуескқой спортшылар да жас ерекшеліктеріне қарамай шұғылдана алады. Алдағы уақытта жергілікті және халықаралық деңгейде жаппай спорттық және мәдени шаралар өткізу жоспарланып отыр.