Главная Новости Самұрық-Қазына мен ҚазМұнайГаз сенімгерлік басқару шартын жасасты
Компания тынысы15 наурыз 2021, 10:16 162

Самұрық-Қазына мен ҚазМұнайГаз сенімгерлік басқару шартын жасасты

Самұрық-Қазына мен ҚазМұнайГаз сенімгерлік басқару шартын жасасты

2021 жылғы 11 наурызда «Самұрық-Қазына» ҰӘҚ» АҚ және «ҚазМұнайГаз» ҰК АҚ «ҚазТрансГаз» АҚ-ның 100% жай акцияларына қатысты сенімгерлік басқару шартына қол қойды, деп хабарлайды SKnews.kz ҚМГ баспасөз қызметіне сілтеме жасап.

Сенімгерлік басқару шарты Қорға ҚазТрансГаз дамуының стратегиялық маңызды мәселелері бойынша қолдау көрсетуге, соның ішінде ішкі нарықта газ бағасын белгілеуді реттеу жұмыстарын жетілдіру, газ тасымалдау жүйесін жаңғырту мен кеңейту, ел өңірлерін әрі қарай газбен қамту үшін ҚТГ-ның басқару ісіне белсенді қатысуға мүмкіндік береді.

Шарт талаптарына сәйкес ҚМГ «ҚазТрансГазға» толық бақылауын сақтап қалады және оның бенефициар меншік иесі болып қалады. Алдағы уақытта да ҚТГ халықаралық қаржы есептілігінің стандарттары бойынша ҚМГ қаржылық есептілігінде шоғырланатын болады. Шарт ҚТГ акцияларын сату немесе иеліктен шығаруды білдірмейді. ҚазМұнайГаз бен ҚазТрансГаздың еурооблигациялары және басқа да халықаралық міндеттемелердегі ковенанттарды сақтау арқылы жасалып, кредиторларының келісімін алуды қажет етпейді. Сенімгерлік басқару шарты және оның талаптары тараптардың халықаралық кредит рейтингтерінің ағымдағы деңгейлерін сақтап қалуға ықпал етеді.

ҚазМұнайГаз бен ҚазТрансГаздың халықаралық кредит рейтингтерін инвестициялық деңгейде сақтап тұру және халықаралық инвесторлардың, оның ішінде ҚазМұнайГаз бен ҚазТрансГаздың еурооблигацияларын ұстаушыларының мүддесін қорғау ҚМГ маңызды стратегиялық басымдықтарының бірі болып табылады.

Бұған дейін 2020 жылғы маусымда Қорды басқару жөніндегі кеңестің отырысында Кеңес төрағасы, Елбасы Нұрсұлтан Назарбаев Қазақстан Үкіметіне, Қорға, ҚазТрансГазды тікелей Самұрық-Қазынаға бағындыру жөніндегі мүмкіндікті қарастырып, нақты шешім қабылдауды тапсырған болатын.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: