Главная Новости «Самұрық-Қазынада» «Адалдық алаңы» жобалық кеңсесі ашылды
Компания тынысы17 ақпан 2021, 09:23 329

«Самұрық-Қазынада» «Адалдық алаңы» жобалық кеңсесі ашылды

«Самұрық-Қазынада» «Адалдық алаңы» жобалық кеңсесі ашылды

«Самұрық-Қазына» ҰӘҚ» АҚ-да Қордың басшысы Ахметжан Есімов пен Сыбайлас жемқорлыққа қарсы іс-қимыл агенттігі басшысы Алик Шпекбаевтың қатысуымен «Адалдық алаңы» жобалық кеңсесінің ашылуы өтті, деп хабарлайды SKnews.kz Қордың баспасөз қызметіне сілтеме жасап. 

Жобалық кеңсе сыбайлас жемқорлықтың алғышарттарын жою, адалдық идеологиясын насихаттау және Қор компаниялары тобының корпоративтік басқаруындағы қоғамдық бақылауды күшейту мақсатында құрылған.

«Samruk Business Forum» отандық кәсіпкерлерді қолдау форумы барысында Мемлекет басшысы Қор нысандарын 2025 жылға дейін тиімді және ашық жекешелендірудің міндетті құралы ретінде қоғамдық бақылауды атап өтті.

Бірлескен іс-қимылдарды талқылау барысында А.Есімов Қор мемлекеттің сыбайлас жемқорлыққа қарсы саясатын іске асыруға белсенді қатысып, сыбайлас жемқорлық тәуекелдеріне ұшырайтын барлық бизнес процестерге егжей-тегжейлі талдау жүргізетінін атап өтті. Холдинг осы салада үлкен тәжірибе жинақтады.

Қор басшысы атап өткендей, сатып алулар әрдайым сыбайлас жемқорлық сипатында болып саналатын және Қор қабылдаған шаралар бұл тәуекелдерді едәуір төмендетуге мүмкіндік берді.

«Самұрық-Қазына» тобының барлық сатып алулары қазіргі уақытта бірыңғай электрондық жүйеде ашық түрде жүзеге асырылады, бұл тапсырыс беруші мен өнім берушінің тікелей байланысын болдырмайды және кез келген адам сатып алу жоспарларымен, тендерлердің қорытындыларымен және жасалған шарттармен таныса алады.

«Бір көзден сатып алуды өткізу үшін барлық негіздер түбегейлі қайта қаралды. Осының есебінен тек соңғы жылдары бір көзден сатып алу 5 есе қысқарып, бәсекелі сатып алу саны 6 есеге артты. Бұл бизнес үшін бәсекелестік ортаны айтарлықтай кеңейтіп, олардың ашықтығын қамтамасыз етті», – деді Ахметжан Есімов.

2020 жылдың басынан бастап шарттарға электрондық түрде қол қоюға мүмкіндік беретін опция енгізілгенін атап өткен жөн. Сондай-ақ, орындалған жұмыстардың актілеріне қол қоюдың электрондық нысаны мен электрондық өтініштер модулі енгізілді, бұл тендерге қатысушыларға бұзушылықтар туралы өтініштерді онлайн режимде Қорға жіберуге мүмкіндік береді.

«Самұрық-Қазына» АҚ төрағасы Қор үшін маңызды міндеттердің бірі – жоғары білікті мамандарды ашық түрде қабылдауды қамтамасыз ету екенін атап өтті. Бұл үшін кандидаттарды іріктеудің, соның ішінде тәуелсіз тестілеу мен жеке қасиеттерін бағалаудың көпсатылы жүйесі енгізілді.

Бұдан басқа, Қорда түрлі мамандықтар бойынша отандық жоғары оқу орындарының үздік студенттерін іріктеуге мүмкіндік беретін «Жас Өркен» және «Цифрлық жаз»  бағдарламалары табысты жұмыс істейді. Осы шаралардың нәтижесінде 2020 жылы кадрлардың ауысуы алдыңғы жылмен салыстырғанда екі есе азайды.

Өз кезегінде, Сыбайлас жемқорлыққа қарсы іс-қимыл агенттігі басшысы А.Шпекбаев Қордың «Адалдық алаңы» ашық жобалық кеңсесі аясында сыбайлас жемқорлыққа қарсы маңызды өзгерістерді бастауға және адалдықты насихаттауға деген ұмтылысын оң бағалады.

«Самұрық-Қазына» ұлттық әл-ауқат қоры «Адалдық алаңы» жобасының тәжірибесін қабылдаған қвазимемлекеттік сектор субъектілерінің арасында алғашқылардың бірі болып табылады және бұл Қор басшылығының корпоративтік парасаттылық қағидаттарын ұстануының дәлелі болып табылады. Оны күшейту мақсатында превенцияның ведомствоішілік жүйесін құру аса маңызды», – деп атап өтті Алик Шпекбаев.

Іс-шараға қатысушылардың пікірінше, сыбайлас жемқорлықтың алдын алудың және корпоративтік адалдық стандарттарының сақталуын бақылаудың тиімді тетігі халықаралық тәжірибеде өзін көрсете білген тәуелсіз сыбайлас жемқорлыққа қарсы комплаенс-қызметтер мен ISO 37001 сыбайлас жемқорлыққа қарсы стандарты болып табылады.

Іс-шара соңында тараптар сыбайлас жемқорлыққа қарсы іс-қимыл бойынша ынтымақтастық туралы Меморандумға қол қойды.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: