"Сарыарқа" газ құбыры арқылы 3 миллионға жуық халық газбен қамтылады

Жыл соңына дейін құрылысын аяқтау жоспарланған "Сарыарқа" магистральдық газ құбыры Қазақстанның астанасы мен орталық және солтүстік аймақтарын газбен қамтуға арналған. "Самұрық-Қазына" қоры ауқымды жобаны қаржыландыруға қатысады,"ҚазСтройСервис» компаниясы - құрылыс мердігері, "Астана Газ ҚМГ" - операторы.

Айта кеткен жөн, газ құбырының тасымалдау қабілеті жылына 2,2 млрд текше метр газды құрайды. Мысалға, тек Алматы облысы мен Алматы қаласының газ тұтыну мөлшері жылына 2 млрд текше метр. Жалпы алғанда, Қарағанды және Ақмола облыстарында 171 елді мекен газбен қамтамасыз етіледі.

Атап өтейік, құбырды төрт кезеңде салу жоспарланып отыр. Бірінші кезеңде Жезқазған-Қарағанды-Нұрсұлтан бағытындағы магистралды газ құбырының құрылысы жүргізіледі. Екінші кезеңде Нұр-Сұлтан қаласынан Көкшетауға дейін газ құбырын тарту, ал үшінші кезеңде  Петропавл қаласына тарту көзделіп отыр. Соңғы кезеңде Жезқазған мен Теміртаудағы компрессорлық станциялардың құрылысы қарастырылған. Құбырдың жалпы ұзындығы 1061,3 шақырым. Жобаны іске асыруға жергілікті компаниялар мен еңбек күші тартылған.