Главная Новости «Satti» келісім. Отандық қондырғының қолданыс географиясы кеңейді

01 наурыз 2021, 08:36 842

«Satti» келісім. Отандық қондырғының қолданыс географиясы кеңейді

Дубай қаласында «ҚазМұнайГаз» ҰК АҚ және Әзірбайжан Республикасының мемлекеттік мұнай компаниясы Каспий теңізінің әзірбайжандық секторында өзі көтерілетін қалқымалы «Satti» бұрғылау қондырғысын бірлесіп пайдалану туралы келісімге келді.

«KMG Drilling&Services» ЖШС мен «Caspian Drilling Company Ltd» арасындағы бірлескен қызмет туралы келісім «Satti» қондырғысын пайдалана отырып, Каспий теңізінің әзірбайжандық бөлігіндегі Shallow Water Absheron Peninsula құрылымында 2 барлау және 1 опциондық ұңғыманы бұрғылауды көздейді. Құжатқа қол қою рәсіміне «Самұрық-Қазына» ҰӘҚ» АҚ басшысы Ахметжан Есімов және ҚМГ Басқарма төрағасы Алик Айдарбаев қатысты.

«Satti» қондырғысы – Қазақстанда құрастырылған алғашқы теңіздегі бұрғылау қондырғысы. Ол Каспий теңізінде 80 метрге дейінгі тереңдікте бұрғылау жұмыстарын жүргізуге арналған.

Еске сала кетейік, 2019 жылғы 19 маусымда «Satti» қондырғысы «KMG Drilling&Services» ЖШС мен «Caspian Drilling Company Ltd» арасындағы сенімді басқару келісімшартының аясында Баку қаласына жеткізілді. Келісімшартқа сәйкес бұрғылау қондырғысы жетілдірілетін болады. Нәтижесінде ол 6 000 метрден астам тереңдікте барлау ұңғымаларын қауіпсіз әрі тиімді бұрғылауды қамтамасыз етуге мүмкіндік береді.

ҚМГ өкілдері атап өткендей, мұндай жобаларға қатысу отандық мұнай-газ саласының бәсекеге қабілеттілігін арттырып, теңізде бұрғылау жұмыстарын жүргізу ауқымын кеңейтуге жол ашады.

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS