Сайлауда ембілік мұнайшылар белсенді дауыс берді

Сайлаудағы – әр дауыс маңызды. «Ембімұнайгаз» АҚ қарасты басқармаларда вахталық ауысыммен еңбек ететін қызметкерлердің сайлау науқанына қатысуы үшін қолайлы жағдайлар жасалды. Мәселен, өндіріс басындағы сайлаушылар үшін арнайы жәшіктер апарылды.

Ел дамуына әсер ететін саяси шараға қатысудың маңыздылығын терең түсінгендіктен ембілік мұнайшылар азаматтық ұстанымдарын білдіріп, сайлау учаскелері ашылған уақыттан бері белсенділік танытты.

Сайлаудың алғашқы қорытындылары бойынша, қазақстандық сайлаушылардың 54,19 пайызы дауыс берген. Ақтөбе облысында дауыс бергендер үлесі – 58%.