Главная Новости Шымкентте Е-commerce орталығы ашылды
Озық тәжірибе15 сәуір 17:56 380

Шымкентте Е-commerce орталығы ашылды

Шымкентте Е-commerce орталығы ашылды

Бүгін "Қазпошта" АҚ Шымкент қаласының әкімдігімен және "Shymkent" әлеуметтік-кәсіпкерлік корпорациясымен бірігіп, Е-commerce орталығын ашты. Бұл нысан кәсіпкерлерге қолдау көрсетуге арналып отыр. 

Осымен төртінші рет ашылған Орталықта Қазпошта мамандары мен өзге де шақырылған мамандар интернет саудасы бойынша семинарлар өткізіп, маркетинг, интернет-дүкендерді дамыту, тауар логистикасы қызметтері көрсетілмек.

"Кәсіпкерлер біздің Орталыққа келу арқылы өз тауарларын Қазақстан бойынша немесе шетелге сатуға мүмкіндік алады. Өйткені Орталығымыздың мамандары кәсіпкерлерге интернет-дүкендерін ашып беріп, онымен жұмыс жасау тәсілдерін үйретеді. Маркетингпен қоса, логистикасын да біз қамтамасыз етеміз. Сонымен қатар, шетелден мамандарды шақырып, түрлі тақырыпта тегін семинарлар өткіземіз. Шымкентте ашылған Е-commerce орталығында кәсіпкерлер тек кеңестер алып қана қоймай, Қазақстан және Өзбекстан бойынша тауарларды жеткізуге кеткен шығындарын өтей алады", - дейді "Қазпошта" компаниясының Басқарма төрағасы Сәкен Сәрсенов.

Тағы бір айта кететін жайт - Шымкент әкімдігі бұл саланы дамыту мақсатында Е-commerce орталығына қажет жайлы тегін берген. 

Жалпы электрондық сауда әлемдік үрдістен тыс, Қазақстанда да қарқын алуда. Мысалы өткен жылы ел бойынша онлайн-сауда көлемі 300 миллиард теңгені құрап, бұрнағы жылға қарағанда 60 пайызға асқан.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: