Главная Новости Кәсіподақ көшбасшылығы мектебі - Шымкентте
Озық тәжірибе18 сәуір 11:43 720

Кәсіподақ көшбасшылығы мектебі - Шымкентте

Кәсіподақ көшбасшылығы мектебі - Шымкентте

Бүгін Шымкент қаласында Кәсіподақ көшбасшылығы мектебінің 6 модульден кешенді оқу бағдарламасының кезекті екікүндік дәрісі басталды. Бірден айта кететіні, қатысушылардың Әлеуметтік өзара ықпалдастық және коммуникация орталығы ұйымдастырған "Тиімді коммуникациялар" тақырыбындағы сабақтарға қызығушылығы зор, қызу талқылаулар жүруде деп хабарлайды SK News тілшісі. 

"Өз алдында дербек әкімшілік ретінде құрылған Шымкент шаһарында Кәсіподақ көшбасшылығы мектебінің екінші модулін қолға алдық. Қазіргі уақытта жиналған 30-дан қатысушының белсенділігі жоғары. Мақсат - ұжымдарда тиімді коммуникация қалыптастыру. Жасыратыны жоқ, егер жұмыс беруші мен қарапайым еңбек адамдарының арасында өзара байланыс мықты болса, еңбек дауларының да аз туындайтыны аян", - дейді Орталықтағы коммуникациялық блок сарапшысы Дәулет Рахманқұлов.

Оқу барысында күнтәртібіндегі өзекті мәселелердің психологиялық қырлары таразыланып, коммуникативтік кедергілер жайы қарастырылуда. Атап өтерлік жайт, теориядан тыс, қатысушылар назарына корпоративтік бағыттағы тәжірибелік жаттығулар ұсынылмақ. Нәтижесінде кәсіподақ өкілдері дақпырттарға тосқауыл қоя білу, шынайы ақпаратты жеткізу білу сияқты тармақтарға құнды кеңестер иеленіп, әрі қарайғы күнделікті жұмыстарында ішкі коммуникацияны дұрыс дамытуға кіріспек.

Өткен жылы бастау алған "Кәсіподақ көшбасшылығы мектебі" жобасы - кәсіподақ қызметкерлерінің кәсіби деңгейін, олардың елдің тұрақты дамуына үлесін арттыруға бағытталған Қазақстандағы алғашқы кешенді білім беру жобасы. Бұл тұста кәсіподақ көшбасшылары кәсіподақтық менеджмент, әлеуметтік-еңбек қатынастарын реттеу, коммуникация, қаржы және заңи сауаттылық, қызметкерлерді басқару, дау-дамайларды шешу тараптарындағы заманауи құралдарды игереді. 

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: