Главная Новости Өзенмұнайгаздықтар соғыс ардагеріне көлік сыйлады
Біздің адамдар13 мамыр 17:39 436

Өзенмұнайгаздықтар соғыс ардагеріне көлік сыйлады

Өзенмұнайгаздықтар соғыс ардагеріне көлік сыйлады

 "Өзенмұнайгаз" акционерлік қоғамының жетекшілігі бастаған бір топ азамат көзі тірі 95 жастағы жалғыз соғыс ардагері Кеңесбай Еңсегеновке темір тұлпар мінгізді. Өз кезегінде ақсақалдың отбасы ел ағаларының иығына шапан жапты деп хабарлайды Компанияның баспасөз қызметі.

Бұған дейін, Жеңістің 74 жылдығына орай өткізілген дәстүрлі шара, Даңқ аллеясындағы "Мәңгілік алауға" гүл шоқтарын қойып, Ұлы Отан соғысында қаза болған боздақтар рухына Құран бағыштаумен басталған.    

Қан майданға 1943 жылы шақырылып, №2 Украина майданында, №211 атқыштар дивизиясында Отан қорғаған ақсақал 1944 жылы 2 жерден жараланып, 3 ай госпитальда емделіп, соғысқа кері аттанған. Содан жеңісті Берлин қаласында қарсы алған. Бүгінде Алланың қалауымен ондаған немере-шөбере сүйіп отырған атаға қарап «Қырық жыл қырғын болса да, ажалды өледі" деген халық нақылына еріксіз таңғаласың!

"Аты өшкір зұлмат соғыс тарих бетіне көшіп, алыстағанымен көңілден кетіп, жүректерден өшпек емес. Бұл соғыс аналарымызды жесір, бұғанасы қатпаған балаларымызды жетім етті. Біздің бақытты өміріміз үшін қан майданда дұшпан оғына қаймықпай кеудесін оққа тосқан Сіздерге өмір-бақи қарыздармыз. Ашық аспан мен ондағы сайраған құстың үні, сыңғырлаған сәбидің күлкісі үшін тағзым етіп, басымызды иеміз!" - дейді  "Өзенмұнайгаз" АҚ бас директоры Есен Өтеев.

Выпуски SK NEWS

Смотрите также

Видео Все видео
Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: