Қазақстанның сыртқы қарызы 4 млрд долларға азайды

Елордада ""Самұрық-Қазына" қоры компаниялар тобының 10-шы Директорлар форумы өтті. Шараға Қордың және ірі қоржындық компаниялардың директорлар кеңестерінің мүшелері қатысты.

Форум барысында директорлар кеңестерінің тиімділігін арттыру, компанияларды басқару үлгісі және листингілік компаниялармен өзара әрекеттесудің ерекшеліктері – IPO алдындағы және одан кейінгі өзгерістер талқыланды.

"Қордың қаржылық тұрақтылығын нығайтуға бағытталған бірқатар шаралар қабылданды. Қор тобының борышы бір жыл ішінде 1 трлн теңгеге қысқарды, ал сыртқы борыш 4 млрд долларға азайды, мерзімі өткен дебиторлық берешек сомасы 80%-ға азайып, 334 млн долларды құраған сома қазір 66 млрд долларға дейін азайды. Әрине, бұның барлығы қаржы көрсеткіштерінің жақсаруына әсер етті",- деп атап өтті "Самұрық-Қазына" АҚ Басқарма төрағасы Ахметжан Есімов.

Сонымен қатар, Қор басшысы трансформация бағдарламасының тиімді жаңартылуын, сондай-ақ корпоративтік басқаруды жетілдіру бойынша жүйелі жұмыстарды атап өтті. 2018 жылы халықаралық салалық копанияларда тиісті индустриалды сараптамасы мен тәжірибесі бар үздік сарапшыларды тарту арқылы "ҚазМұнайГаз" ҰК" АҚ, "Қазақстан темір жолы" ҰК" АҚ, "Қазақтелеком" АҚ, "Қазпошта" АҚ, "Қазатомөнеркәсіп" ҰАК" АҚ, "KEGOK" АҚ және "Тау-Кен Самұрық" АҚ директорлар кеңестерінің құрамын жаңарту бойынша жұмыстар жүргізілді.