Талаптың мініп «Тұлпарын»...

Мамыражай мамырда Маңғыстау облысы, Қызан ауылында туған ол, осыдан он жыл бұрын «Тұлпар Мұнай Сервис» ЖШС жұмысқа орналасты. Алдымен ұңғымаларға күрделі және жер асты жөндеу жүргізуді темірмен жабдықтап, жүк тасымалымен айналысқан ол, кейін бұрғышы көмекшісі қызметіне ауысты. 2019 жылдан бері өзіне жүктелген машинист міндетін мінсіз атқарып келеді.

«Тұлпар Мұнай Сервис» ЖШС – Қаражанбас кен орнында мұнай игеру процесінде үлкен роль атқарады. Ұңғыманың күндіз-түні мүлтіксіз жұмыс істеуін қадағалап, ақау байқасақ тез арада жөндеу жүргізіп, қалыпқа келтіруге міндеттіміз. Жұмысымыздың қызығы мен қиындығы мол. Дегенмен Тәуелсіздік құрдасы ретінде елімнің өркендеуіне тамшыдай үлес қосып жатқанымды мақтан тұтамын», – деді Айқожа Бисенов.

Жұмыстағы жауапкершіліктен бөлек, кейіпкеріміз отбасы берекесін бірқалыпты ұстауға барын салып жүрген азамат. Айқожа адал жарымен бірге 6 бала тәрбиелеп отырған жас та, үлгілі шаңырақтың тірегі. Тәуелсіздіктің құрдасы ел игілігі үшін еңбек етіп қана қоймай, әр перзентін Қазақстанның патриоты етіп өсіруге ниетті.