Теміржолда армандар орындалады 

Әнуар екі жылдан астам уақыт бойы темір жолға қызығушылық таңытып жүр және тепловоз машинисі болуды армандайды. Магистральға деген қызығушылық Төретам ауылында төрт жасында пайда болды, онда ол вокзалға жиі келетін. Сары жилет киген адамдар, локомотивтер және теміржолшылардың күрделі жұмысы оның назарын аударатын.

Әнуар тежегіш башмактың мақсатын біледі, локомотивтер құмды не үшін пайдаланады, локомотивтер сериясын және теміржол инфрақұрылымының ерекшеліктерін түсінеді.
 
 Бүгінде отбасы Астанада «Нұрлы жол» вокзал кешенінің жанында тұрады. Бала Алмагүл әжесімен бірге вокзалға үнемі келіп тұрады, онда ол пойыздарды қарсы алып, шығарып салады. Осы уақыт ішінде оны вокзал қызметкерлері жақсы танып алып, темір жолды жақсы көретін бала туралы ҚТЖ басшылығына жеткізді.

Осылайша отбасы локомотив депосына баруға шақыру алды.
Локомотив кабинасында сапарлау Әнуарда ерекше әсер қалдырды. Ол машинист пен оның көмекшісінің жұмысын мұқият бақылап, пойызды басқарудың әр кезеңі туралы сұрақтар қойды.

Экскурсия барысында бала локомотив бригадасының жұмысына, бағыттамалы бұрмалардың құрылымына, контейнерлерді тасымалдауға және маневрлік бағдаршамдардың мақсатына қызығушылық танытты. Ол көк сигнал қозғалысқа тыйым салатынын, ал ақ ай түсі маневрлерге рұқсат беретінін білді. Ол сондай-ақ қозғалыс жылдамдығын және локомотивтің басқа параметрлерін көрсететін Локомотивтік кешенді қауіпсіздік құрылғысына (ЛКҚҚ) қызығушылық танытты.

- Ол үшін теміржол жай ғана қызығушылық емес. Ол мазмұны терең сұрақтар қоя біледі. Бірнеше жылдан кейін біз оны теміржолшылар қатарынан көретін шығармыз, - деп атап өтті «ҚТЖ – Жүк тасымалы» ЖШС Бас директорының локомотив шаруашылығы жөніндегі орынбасары Константин Цой.

Депоға бару Ануар үшін үлкен сыйлық болды және оны арманына бір қадам жақындатты.