Главная Новости Теміржол тұйықтарында тактикалық оқу-жаттығу өтті
13 ақпан 2024, 13:50 366

Теміржол тұйықтарында тактикалық оқу-жаттығу өтті

Теміржол тұйықтарында тактикалық оқу-жаттығу өтті

Тараз қаласындағы «Қазфосфат» ЖШС-нің «Минералды тыңайтқыштар» зауытындағы теміржол тұйықтарында тактикалық оқу-жаттығу өтті.

Шартты түрде жер сілкінісінің салдарынан зауыт аумағында аммиак пен дизель отыны цистерналары құлап, герметикаланбаған өрт және отын багының жарылу қаупі туындады. Төтенше жағдайды байқаған ауысым шебері бірден өндірістік персоналды байланыс бойынша аварияның туындағаны туралы хабарлайды.  

Оқу-жаттығулардың тактикасына сәйкес, оқиға куәгері газқағар киіп, сиренаны іске қосып, газдалған аймақтан кетуі тиіс. Өндіріс шебері өз міндетін мүлтіксіз атқарған соң, зауыт жұмысшылары дереу эвакуацияланып, еріктілерден құралған газдан құтқару жасағы және зауыттың күзет күштері қауіпсіздік бекеттерін қойып шықты.  

Туындаған қауіптің ауқымына қарай, оқиға орнында төтенше жағдайды жою бойынша жедел штаб құрылды. Осыдан кейін апат орнына 14 адамнан тұратын газ құтқарушылар және өрт сөндіру бөлімі құрамында әскерилендірілген авариялық құтқару қызметінің бөлімшесі келіп жетті. Мамандар аммиактың төгілуі нәтижесінде пайда болатын аммиак-ауа бұлтының таралуын шектеу бойынша тапсырмаларын дер кезінде орындады.  

«Қазфосфат» ЖШС-нің қос өндіріс орны – «Жаңа Жамбыл фосфор» және «Минералды тыңайтқыштар» зауыттарында теміржол тұйықтары бар. Өз өнімдерін республика көлемінде ғана емес, шетелдерге экспорттайтын кәсіпорын былтыр теміржол арқылы 3 миллион тоннаға жуық жүк тасымалдаған болатын.  

Ардақ Үсейінова

Дереккөз: "Қазақстан теміржолшысы"

Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Астана, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: