Главная Новости Теміржолдың қысқа дайындығы 1 қарашаға дейін аяқталады
Компания тынысы09 қыркүйек 2021, 10:56 181

Теміржолдың қысқа дайындығы 1 қарашаға дейін аяқталады

Теміржолдың қысқа дайындығы 1 қарашаға дейін аяқталады

«Қазақстан Темір Жолы» ҰК» АҚ-да алдағы қысқы жұмысқа Компанияның құрылымдық бөлімшелері мен оның еншілес ұйымдарының шаруашылықтары мен кадрларын даярлау мәселелері бойынша селекторлық кеңес өтті.

Теміржолда суық кездерге дайындық маусым айында басталды және 1 қарашаға дейін аяқталуы керек. Тиісті іс-шараларды өткізуді арнайы штаб үйлестіреді.

Қысқы кезеңде тұрақты жұмысты қамтамасыз ету үшін жүк және жолаушылар шаруашылығының жылжымалы құрамы дайындалуда. Локомотивтердің тораптары мен жүйелерін қысқы режимге ауыстыру жүзеге асырылады. Жолаушылар пойыздарындағы жылу жүйелері тексеріледі.

Қар жинау және қар тазалау техникасына сапалы жөндеу жүргізуге ерекше көңіл бөлінеді. Қолайсыз ауа райы жағдайлары туындаған кезде жұмыс істеу үшін шамамен 300 бірлік қар жинайтын машиналар мен қар тазалағыштар дайындалады.

Жоспарлы түрде 3 982 өндірістік-техникалық ғимарат пен 458 қазандықты дайындау жұмыстары жүргізілуде. Отын ресурстарының, көмірдің және жағар материалдарының қысқы қоры құрылуда.

Қызметкерлерді қысқы арнайы киіммен және арнайы аяқ киіммен қамтамасыз ету мәселелері маңызды болып қала береді. Суық түскенге дейін жұмыскерлер төменгі температурадан қорғанатын арнайы костюмдермен, құлақшындармен, жылытылған етіктермен, бәтеңкелермен, қолғаптармен қамтамасыз етіледі.

Компанияда алғаш рет суықта жұмыс істейтін 3 799 маман бар. Олар тәжірибелі тәлімгерлерге бекітіліп, жоспарлы нұсқаулықтардан өтеді.

«ҚТЖ» ҰК» АҚ құрылымдық бөлімшелері мен оның еншілес ұйымдарына инфрақұрылымның, техниканың және адамдардың 100% дайындығын қамтамасыз еткендерге штаб 2021-2022 қысқы кезеңде жұмысқа дайын екендігі туралы куәлік береді.

Выпуски SK NEWS

Смотрите также

Видео Все видео
Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: