Теңізшілер жоспарды 200 пайызға жуық орындады

Ал арада он жыл өткенде қазақстандық мұнайды Қара және Жерорта теңіздері арқылы тасымалдауды бастады. Осы мақсатта 2011 жылы әрқайсысының жүк көтергіштігі 115 мың тоннаны құрайтын екі Афрамакс типті «Алтай» және «Алатау» танкерлері сатып алынды.

Бәсекелестікке қарамастан, ҚТКФ жыл сайын ашық теңізде мұнай тасымалдау көлемін ұлғайтып келеді. Осы кезеңде Қара және Жерорта теңіздерінде 57 миллион тоннаға жуық мұнай тасымалданды.

2021 жылдың алғашқы төрт айында ашық теңіздерде 3 050 000 тонна мұнай тасымалданып, жоспар 186% орындалды. Мамыр айының өзінде (14.05.2021 жылғы жағдай бойынша) 4 айналым жасалып, 352 мың тонна мұнай тасымалданды, жоспар 191% орындалды.