Главная Новости Зейнеткерлерге мың алғыс
02 наурыз 2022, 11:00 780

Зейнеткерлерге мың алғыс

Зейнеткерлерге мың алғыс

1 наурыз «Алғыс айту» күніне орай, «Маңғыстаумұнайгаз» АҚ 40 жылдан аса компанияда қызмет істеген зейнеткерлердің үйіне арнайылап барып, басшылық атынан дәм-тарту жасады.

Әлеуметтік мәселелер бөлімінің бастығы Саин Ғалидуллинның айтуынша, бүгінде компанияда 1 500 зейнеткер бар. Аталған еңбек ұжымы өз зейнеткерлерін әр мереке сайын ешқашан ұмыт қалдырған емес.

«Жетібаймұнайгаз» өндірістік басқармасында 40 жылға жуық оператор болып еңбек еттім. Аллаға шүкір, ұзақ жылғы адал еңбегіміздің зейнетін көріп отырған жайымыз бар. Құрметтің, сыйдың үлкен-кішісі болмайды. Бүгін арнайы келіп, Басқарманың атынан ала келген сый-сияпаттарыңызға рақмет айтамын. Қуанып қалдым», – деді Хадиша Омарова.

Бұдан өзге, әр салада қызмет істеген зейнеткерлерге Компания атынан тұрақты әлеуметтік көмектер, бір жолғы төлемақылар қарастырылған. Атап айтқанда, 8 наурыз, Мұнайшылар күніне орай берілетін сыйақылар мен мерейлі жасқа толған зейнеткерлерімізге 153 мың теңге көлемінде біржолғы көмек көрсетіледі. Бұл өтемақылардың барлығы зейнеткерлерімізге деген үлкен қамқорлық.

1997 жылы ЖУТТ мекемесінде бухгалтер, кейіннен Қоғамдық тамақтандыру бөлімінде ұзақ жыл қызмет істеген Жұмагүл Айбазарқызы:

«Көктеммен бірге келген көлдей көңілдеріңізге ризамын. Азды-көпті еңбегімізді елеп-ескеріп жатқан мекемемізге алғыс айтамын. Жақсы бастамаларың, ізгі істерің ұзағынан болғай», – деп тілек-ниетін білдірді.

Бұл үрдістің үзілмей, жалғасты болуына шынайы тілекші болған 9 зейнеткер ізге ерген ұрпақтың қазаққа тән қамқорлық, бауырмалдық, мейірім мен қасиеттің өшпей, өркен жайғанының тағы бір дәлелі деумен қоштасты.

Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: