Жекешелендіру бағдарламасы сәтті жалғасуда

Айта кеткен жөн, 26 қыркүйекте Лондон қор биржасы мен "Астана" халықаралық қаржы орталығы биржасында Қордың жетекші компаниясы "Қазатомөнеркәсіп" ҰАК" АҚ-ның жаhaндық депозитарлық қолхаттарының қосымша орналастырылуы өтті. Барлығы 3,8 акция немесе 9,8 млн қолхат орналастырылды, оның әрқайсысы 13 АҚШ долларына бағаланды. Акциялардың құны Қор биржаларындағы қазіргі нарықтық жағдайларға байланысты қалыптасты.

"Халықаралық инвесторлар 6,5 миллион қолхатты сатып алды, бұл қазақстандық құнды қағаздардың жоғары инвесторлық тартымдылығын көрсетеді. "Астана" биражасында орналастырудан 65,3 млн доллар, Лондон биржасында 62,9 млн доллар табыс түсті. Жалпы кіріс - 128,2 млн АҚШ доллары елдің Ұлттық қорына жіберіледі",- деді "Самұрық-Қазына" ҰӘҚ" АҚ экономика және қаржы жөніндегі тең басқарушы директоры Ернар Жанәділ.

"Блумберг" агенттігі өз кезегінде қолхаттардың орналастырылуын "сәтті" деп бағалады. Бұған ірі халықаралық инвесторлардың үлкен қызығушылығы да дәлел. Тек Лондон қор биржасына АҚШ, Канада және басқа елдерден 40 инвестор қатысты.

Журналистердің сұрақтарына жауап бере отырып, Қордың активтерді басқару және жекешелендіру жөніндегі басқарушы директоры Алмасадам Сатқалиев, Жекешелендіру бағдарламасы аясында "Самұрық-Қазына" қорының басқа компанияларының да IPO/SPO-ға жоғары дайындығын атап өтті.

Атап өткен жөн, "Қазатомөнеркәсіп" ҰАК" АҚ IPO/SPO-ға шығарылуы, Елбасының тапсырмасы бойынша, 2016 жылы жасалған Жекешелендіру бағдарламасы аясында өтті. Осы құжатқа сәйкес, компаниялардың тиімділігін арттыру мақсатында "Эйр Астана", "ҚМГ", "ҚТЖ", "Қазақтелеком" компаниялары халықаралық биржаға шығады.

Еске сала кетейік, 2018 жылғы қарашада IPO аясында "Қазатомөнеркәсіп "ҰАК" АҚ акцияларының 15%-ын орналастыру сәтті өтті. Басқа инвесторлардың қатарында Ұлттық банк Бірыңғай жинақтаушы зейнетақы қорына ұлттық компанияның 150 млн доллар сомасына депозитарлық қолхаттарын сатып алды, бұл тиісінше БЖЗҚ тарапына 21 млрд теңге табыс әкелді.