01 қараша 2019, 10:33 2204

Қазына қаржысы 102 млрд теңгеге көбейді

"Самұрық-Қазына" ҰӘҚ" АҚ компаниялар тобының салық төлемдері ағымдағы жылдың 9 айында 813 млрд теңгені құрады. Бұл өткен жылдың сәйкес мерзімімен салыстырғанда 102 млрд теңгеге көп. Жалпы, Қордың компанияларының төлемдері Қазақстан Республикасының бюджетіне түсетін барлық салық түсімдерінің шамамен 10%-ын төңіректеді.

Бұған дейін хабарлағанымыздай, 2019 жылдың 9 айының қорытындысы бойынша "Самұрық-Қазына" ҰӘҚ" АҚ компаниялар тобы жоспарлы қаржылық көрсеткіштерді асыра орындады. Сатудан түскен кірістің өсу қарқыны өткен жылдың сәйкес кезеңімен салыстырғанда 12,7 %-ды межеледі.

Операциялық пайда (NOPLAT) өткен жылдың көрсеткішімен салыстырғанда есептік кезеңде 9,6 %-ға өсті. Тиісінше таза табыс 39,5 %-ға артып, 1158 млрд теңгені еңсерді.

Айта кету керек, 2018 жылдың сәуірінде Елбасы Нұрсұлтан Назарбаев "Самұрық-Қазына" қорының 2018-2028 жылдарға арналған жаңа даму стратегиясын мақұлдады. Елбасы Ұлттық әл-ауқат қорына негізгі мақсаттың бірі ретінде қоржындық компанияларды тиімді басқаруды және олардың қызметінің көрсеткіштерін ұқсас әлемдік компаниялардың көрсеткіштерімен теңестіруді жүктеді.

Еще больше новостей на нашем telegram-канале , подписывайся и будь в курсе!

К списку статей Следующая статья