Page 25 - SK News №5-6 (163-164)

SK NEWS
Оның нұсқасындағы Roses трегі 20 аптадан
астам уақыт қатарынан Billboard Hot 100
үздік ондығында тұрды. Ремикс Apple Music-
те топ-10-ға кірді, Shazam музыкалық қосым-
шасында 22 миллионнан астам қаралды,
ұзақ уақыт бойы «Яндекс. Музыка» чартында
бірінші орынға ие болды.
Трек бірнеше чартта, соның ішінде АҚШ пен
Ұлыбританияда көш бастап, The Weeknd,
Dua Lipa, Billie Eillish, Roddy Ricch және Justin
Bieber сияқты әртістерден озық болды.
2019 жылы Иманбек ресейлік Effective
Records лейблі үшін трек жазуға келісті.
Қазіргі уақытта бұл лейблдің ремикстері
Apple Music, Google Play Music, Spotify, BOOM–
да сатылады.
2020 жылдың мамырында Иманбек дания-
лық продюсер Мартин Йенсенмен бірлесіп
«I’m Just Feelin» (Du Du Du) атты ән шығар-
ды. Ал осы жылғы қазанда ол америкалық
орындаушылар Usher мен Marshmello-мен
бірге трек жазған. Ән «Too much» деп атала-
ды.
2021 жылдың ақпанында Иманбек пен
британдық әнші Рита Орамен «Bang» деп
аталатын жаңа мини-альбомын шығарды.
Оған Rita Ora-мен бірлесіп жазған төрт трегі
енген.
Бұлардың бәрі Иманбектің Грэмми сый-
лығын алғанға дейінгі атқарған жұмыстары.
Қазір жобалары мен жоспарларын түзетіп
жатқаны анық.
«Иманбек Грэмми сыйлығын жеңіп алған қа-
зақстандық тұңғыш азамат. Марапаттау
рәсімі онлайн режимде өтті. Біз жан дүние-
мізбен әріптесіміздің тайы озып шығуына
тілеулес болдық. Иманбекті мақтан тұта-
мыз. Оның туындысы жылдың үздік ремиксі
атанды», – дейді «ҚТЖ-Жүк тасымалы»
- «ЖТ Павлодар бөлімшесі» ЖШС филиалы
Ақсу-1 станциясының бастығы, Иманбек-
тің бұрынғы жетекшісі Ардақ Қайырбаев.
Иманбек Зейкенов тарихи жеңісінен кейін
«Сноб» редакциясына сұхбат беріп, қазіргі
көңіл-күйімен бөлісті.
«Бұл сезімді ештеңемен салыстыруға кел-
мейді. Бәрі менің эмоциямды көрді. Әрі таң
қалдым, әрі қуандым. Шынымды айтсам,
осы номинациядағы бәсекелестерім ай-
тарлықтай мықты болмады. Сол себепті
жеңетініме сендім. Музыкант мансабын-
дағы ең биік жетістікке жеткен секілдімін.
Десе де, бұдан да жақсы музыка жазуға тал-
пынамын. Бір «Грэммиден» екі «Грэмми»
күштірек», – деді Иманбек.
Музыкант алдағы уақытта да Effective
Records-пен серіктестігін жалғастырмақ
ниетте.
«Жақында Элджеймен коллаборация бола-
ды. Ресей арқылы батыс нарығына шыға
аласың. Ресей мен ТМД-да менің тректерім
жүктеу мен стриминг жағынан үздіктердің
қатарында болса, батыста чарттарда
Drake, Рианна және The Weekend музыка-
сымен қатар тұр», – дейді музыкант.
Иманбектің өзі армандағандай, 30 Грэмми
сыйлығын иеленуіне біз де тілекшіміз.
25